Бруцеллез һәм хайваннарны инфекциядән ничек сакларга.

Район Советында гадәттән тыш хәлләр министрлыгының чираттан тыш утырышы узды. Утырышка фермер хуҗалыклары башлыклары, район авыл хуҗалыгы предприятиеләренең баш ветеринария табиблары чакырылган иде. Көн тәртибенең төп мәсьәләсе: хайваннарның куркыныч йогышлы авыруларының берсен – бруцеллезны кертмәү. Район ветеринария берләшмәсе башлыгы Рәис Хөснуллин бруцеллезның нәрсә икәне һәм хайваннарны инфекциядән ничек сакларга кирәклеге турында сөйләде.