2024 елга БДИ, ОГЭ һәм ГВЭ расписаниеләре проектлары басылып чыкты.

Норматив хокукый актлар проектларының федераль порталында Россия Мәгариф министрлыгы һәм Рособрнадзорның 2024 елга БДИ, ОГЭ һәм ГВЭ расписаниесе белән уртак боерыклары проектлары басылып чыкты (https://regulation.gov.ru/Regulation/Npa/PublicView?npaID=143693).   БДИ боерыгы проектына ярашлы, 2024 елда вакытыннан алда 22 марттан 22 апрельгә кадәр, төп чорда – 23 майдан 1 июльгә кадәр, өстәмә чорда – 4 сентябрьдән 23 сентябрьгә кадәр узачак. БДИның төп чорын 23 майда география, әдәбият һәм химия буенча имтиханнар ачачак. Рус теле буенча БДИ 28 майда, база һәм профиль дәрәҗәсендәге математика буенча 31 майда узачак. Урта гомуми белем турында аттестатларны вакытында бирү максатыннан мәҗбүри фәннәр буенча имтиханнар расписание проектында беренчеләрдән булып билгеләнгән. Җәмгыять белеме буенча БДИ 4 июньдә, тарих һәм физика буенча – 10 июньдә, биология һәм чит телләр буенча БДИның язма өлеше буенча – 13 июньдә узачак. Традиция буенча, информатика буенча БДИ һәм чит телләр буенча имтиханның телдән өлеше үткәрү өчен расписание проектында икешәр көн каралган. Информатика буенча БДИны 7 һәм 8 июньдә, чит телләр буенча БДИны 17 һәм 18 июньдә уздыру планлаштырыла. 20 июньнән 1 июльгә кадәр расписание проектында барлык фәннәр буенча имтиханнар үткәрү өчен резерв көннәр каралган. 9 сыйныфны тәмамлаучылар өчен ОГЭ үткәрү, боерык проектына ярашлы рәвештә, шулай ук өч чорга бүленә: вакытыннан алда (23 апрельдән 21 майга кадәр), төп (24 майдан 2 июльгә кадәр) һәм өстәмә (3 сентябрьдән 24 сентябрьгә кадәр). 2024 елгы имтихан кампаниясенең төп чорын үткәрү 2 июльдә тәмамланачак. Чыганак: https://obrnadzor.tatarstan.ru/index.htm/news/2258777.htm