Ватан Геройлары көненә СВО сугышчыларына мемориаль такталар ачыла.

Бүген, Ватан Геройлары көненә багышланган тантаналы чаралар кысаларында, Украинада махсус хәрби операция уздыру зонасында хәрби бурычын үтәгәндә һәлак булган сугышчыларга мемориаль такталар ачылды. Львов Александр Владимировичка Савгачево авылының Савгачево урта гомуми белем бирү мәктәбендә. Воркунов Владимир Николаевичка Сөнчәле урта гомуми белем бирү мәктәбендә. Таиров Михаил Алексеевичка Аксубай бистәсенең 3 нче номерлы урта гомуми белем бирү мәктәбендә. Тантанада һәлак булган сугышчыларның туганнары һәм якыннары, авыл халкы, укучылар һәм педагоглар, шулай ук район халкы катнашты. Украинада махсус хәрби операция барышында нацизмның яңа һөҗүмен үз өстенә алган барлык геройларның истәлеген тантанада катнашучылар бер минут тынлык белән хөрмәтләделәр.⁣ Хәтерлибез һәм горурланабыз!