10 нчы сыйныф егетләре белән уку җыеннары.

Гражданнарны хәрби хезмәткә әзерләү максатларында, «РФ гражданнарын хәрби хезмәткә әзерләү турындагы нигезләмәне раслау турында» РФ Хөкүмәте Карары һәм Татарстан Республикасы Министрлар кабинеты карары нигезендә 2023 елның 4 декабреннән 8 декабренә кадәр «Ватан «хәрби-патриотик эш һәм хәрби хезмәткә чакырылуга кадәрге яшьләрне әзерләү үзәге» МБУ базасында Чистай шәһәрендә Аксубай районы мәктәпләренең 10 нчы сыйныф укучыларына 5 көнлек уку җыеннары уздырды. Чарада барлыгы 31 укучы катнашты. Җыеннар вакытында балалар тәҗрибәле инструкторлар җитәкчелегендә башлангыч хәрби әзерлеккә өйрәнәләр, гомумхәрби уставлар, строй әзерлеге, тактик әзерлек, ут әзерлеге, хәрби-медицина әзерлеге, күпләп үтерү коралларыннан саклану буенча белемнәр алалар. Шулай ук, җыеннарда укытучылар сыйфатында безнең 2 ОБЖ укытучысы да катнашты. Бу Макаров Юрий Никитович һәм Никитин Алексей Дмитриевич. Егетләр бик канәгать калдылар. Чөнки аларга бу биш көндә казарма тормышына чумарга, армия көнкүрешен тулысынча тоярга туры килде. Җыеннарны уңышлы үтүгә һәм ОБЖ курсын үзләштерүгә яхшы матди-техник база һәм квалификацияле персонал ярдәм итә.