Табигать фәннәре циклы укытучыларының район семинары.

  МББУ «Аксубайның 3нче урта гомуми белем бирү мәктәбе» базасында «11нче һәм 9нчы сыйныф укучыларын ГИАга әзерләү»темасына табигый-фәнни цикл укытучыларының район семинары узды. Чара укытучыларга чыгарылыш сыйныф укучыларын дәүләт йомгаклау аттестациясенә әзерләүдә методик ярдәм күрсәтү максатыннан оештырылды. Семинар кысаларында педагоглар эш тәҗрибәсе белән уртаклаштылар, тренировка тестларын БДИ һәм ОГЭ форматында анализладылар. Чыгыш ясаучылар хезмәттәшләрен чыгарылыш сыйныф укучылары еш кына ясаган типик хаталар белән таныштырдылар, шулай ук бу хаталардан саклану өчен укучылар белән нинди эш башкарырга кирәклеген әйттеләр. Район методик берләшмәләре җитәкчеләре семинарда катнашучылар белән имтихан материалларына үзгәрешләр кертү турында фикер алыштылар, аннары алар белән практик эш алып бардылар.