«Нежность» халыкка социаль хезмәт күрсәтү комплекслы үзәге коллективы оешманың 25 еллыгын билгеләп үтте.

Юбилей көне кунаклар катнашында зур тантанага әйләнде. Хезмәткәрләрне социаль учреждение оешуга 25 ел тулу уңаеннан Хезмәт, мәшгульлек һәм социаль хезмәт күрсәтү министры урынбасары Юлия Абдреева, район башлыгы Камил Гилманов, оешма ветераннары җылы котладылар. Оешманың иң яхшы хезмәткәрләрен тармак бүләкләре, район башлыгының һәм «Нежность»КЦСОНның Рәхмәт хатлары белән билгеләп үттеләр. 25 ел дәвамында Үзәк социаль хезмәтләр алучыларга уңышлы ярдәм күрсәтә, халыкның аз хәрәкәтләнүче төркемнәренә ярдәм итү һәм аларны озата бару, аларның яшәү шартларын яхшырту һәм мөмкинлекләрен киңәйтү буенча зур эш башкара!