Район башлыгы коррупциягә каршы тору эшен координацияләү буенча комиссия утырышын уздырды.

Бүген район Советында район башлыгы Камил Гилманов һәм район прокуроры Эдуард Хиразев катнашында коррупциягә каршы тору эшен координацияләү буенча комиссия утырышы узды. Берничә ведомство җитәкчеләре төрле өлкәләрдә коррупция күренешләрен рөхсәт итмәү өлешендә тыңланды. Социаль яклау бүлеге башлыгы Елена Зайцева Коррупция куркынычларын булдырмау максатыннан башкарылган эшләр турында хәбәр итте, алар үз өлкәләрендә электрон рәвештә хезмәт күрсәтү юлы белән коррупция куркынычларын киметтеләр, дип билгеләп үтте. «Мәгариф бүлеге» МКУда коррупциягә каршы тору турында законнарны үтәү буенча эш турында мәгариф бүлеге начальнигы Рәмзия Зәйдуллина хәбәр итте. Район башкарма комитетының кадрлар бүлеге башлыгы Резеда Нурхәмәтова керемнәр, чыгымнар һәм мөлкәти характердагы йөкләмәләр бирү буенча гамәлдәге законнарны үтәү зарурлыгы турында сөйләде. Аксубай РҮХдә коррупциягә каршы тору чаралары турында юрист Инна Грачева сөйләде. Ул хастаханә дәүләт гарантияләре программасы кысаларында түләүсез медицина ярдәме генә түгел, ә дәвалау учреждениесенең локаль актлары белән катгый регламентталган түләүле хезмәтләр дә күрсәтә дип хәбәр итә. Персонал белән даими рәвештә коррупциягә каршы профилактик эш алып барыла. Утырыш эшен тәмамлап, район башлыгы Камил Гилманов билгеләп үткәнчә, безнең максат - район территориясендә барлык юнәлешләр буенча коррупция күренешләре булмасын өчен эшләү.