Район мәдәният йортында мәдәният бүлеге пенсионерларын котладылар.

Көзге календарьда йөрәк тирән рәхмәт хисләре белән тулган, рәхмәт сүзләре әйтәсе, кешеләргә аеруча игътибарлы буласы килүче гадәти булмаган дата бар-бу өлкән буын кешеләрен хөрмәт итү көне.  Әлеге бәйрәмгә багышланган чара бүген район мәдәният йортында узды, анда мәдәният бүлеге пенсионерлары чакырылган иде. Лаеклы ялда булган мәдәният хезмәткәрләрен бәйрәм белән Аксубай МР Башкарма комитетының мәдәният бүлеге начальнигы Тимирясов Алексей Сергеевич һәм Аксубай район мәдәният йорты директоры Копанева Ольга Владимировна котладылар. Тантанада Василий Воронин, Эдуард Ильин, Фәнис Низамов, Борис Ильин башкаруында иң матур җырлар яңгырады.  Өлкәннәр көненә багышланган чара искиткеч бәйрәмгә әверелде. Мондый очрашулар аралашырга, тормыштагы кызыклы мизгелләрне, хезмәт чорында бергә кичергән вакыйгаларны искә төшерергә, биергә мөмкинлек бирә. Болар барысы да тормышны тагын да баерак һәм кызыклырак итә.