Бүген Аксубай бистәсендә Өлкәннәр көненә багышланган көзге авыл хуҗалыгы ярминкәсе узды.

  Аксубай бистәсендә район мәдәният йорты каршындагы мәйданда Өлкәннәр көненә багышланган көзге авыл хуҗалыгы ярминкәсе узды. Ярминкә өлкән буын кешеләрен ассортименты һәм игътибары белән сөендерде. Ярминкә ачылганнан бирле музыка уйналды, район мәдәният йортының, авыл мәдәният учакларының иң яхшы башкаручылары концерт программасы белән чыгыш ясадылар, сатып алучыларга да, сатучыларга да күңел күтәрделәр. Җирле аграрийлар, эшмәкәрләр, мәгариф учреждениеләре, шәхси җитештерүчеләр – бакчачылар һәм чәчәк үстерүчеләр иртәнге җидедән авыл хуҗалыгы продукциясенең киң ассортиментын тәкъдим иттеләр. Мәгариф учреждениеләре мәктәп бакчаларында үстерелгән бәрәңге, суган, кишер, җиләк-җимеш, алма тәкъдим иттеләр. Шулай ук бал, сөт, консервланган яшелчәләр дә бар. Авыл хуҗалыгы предприятиеләре, фермер хуҗалыклары - бөртекле культуралар һәм яшелчәләр. Эшмәкәрләр ит эшләнмәләре, атланмай, тере балык, шәхси эшмәкәрләр – җимеш агачлары, куаклар һәм чәчәк үсентеләре белән таныштырдылар. Һәм барысы да-арзан бәядән. Район Башкарма комитеты җитәкчесе вазыйфаларын башкаручы Алмаз Мингулов алар белән, шулай ук аларның бәяләре белән иртәдән үк танышты. – Ярминкәдә үз товарларын тәкъдим итүчеләрнең барысына да рәхмәт әйтәсе килә, - диде Алмаз Миңгулов. - Өлкәннәр көне алдыннан сез бирегә өлкән буын вәкилләренә максималь игътибар күрсәтү өчен килдегез. Авыл хуҗалыгы ярминкәсе югары дәрәҗәдә оештырылган, һава торышы да әйбәт, һәркемнең кәефе дә әйбәт. Барыгызны да бәйрәм белән!