Сыерларны һәм таналарны УЗИ сканер ярдәмендә буазлыкка тикшерү..

  Ветеринария табибы-ветеринария участогы мөдире Рөстәм Мотыйгуллин УЗИ-сканер ярдәмендә сыерларны һәм таналарны буазлыкка тикшерә. Тикшерүнең бу ысулы хайваннарның буазлыгын орлыкландырганнан соң 35-40 көннән үк билгеләргә мөмкинлек бирә, шулай ук сыерларның җенес системасындагы кайбер патологияләрне - күкәйлекләрнең фолликуляр яки лютеин кистасын, эндометритларны да билгеләргә була. Күкәйлекләрне тикшергәндә фолликулларның өлгерү дәрәҗәсен һәм овуляциянең якынча вакытын билгеләргә мөмкин. Нәтиҗәләрнең гадилеге һәм дөреслеге аркасында, ана мөгезле терлекләрнең җенес органнары торышын тикшерүнең УЗИ ысулы терлекчелектә киң таралган.