РФ Мәгариф министрлыгы 2025-2026 уку елына БДИның минималь балларын тәкъдим итте.

  РФ Мәгариф министрлыгы 2025 / 2026 уку елына бердәм дәүләт имтиханы өчен минималь балларны раслады. Тиешле документ норматив хокукый актлар проектларының федераль порталында урнаштырылган. Аерым алганда, рус телен һәм җәмгыять белемен тапшыру өчен укучыларга киләсе уку елында кимендә 42 балл җыярга кирәк булачак. Информатика буенча укучының ким дигәндә 44 баллы булырга тиеш, география һәм әдәбият буенча — 40. Математика, физика, химия һәм биологияне тапшыру өчен кимендә 39 балл булырга тиеш. Тарих өчен минималь бусага 35 балл дәрәҗәсендә билгеләнгән, ә чит телләр өчен — 30 дан. Элегрәк хәбәр ителгәнчә, Дәүләт думасының мәгариф комитеты чыгарылыш укучыларына БДИ һәм төп гомуми һәм урта гомуми белем бирү дисициплиналары буенча имтиханнар арасында сайлау мөмкинлеге тәкъдим ителгән закон проектын кире какты. Чыганак: ТР Мәгариф һәм фән Министрлыгы