Көзге каникул көннәрендәге чаралар.

  Мәктәп каникуллары көннәрендә балаларны төрле чаралар көтә Мәктәп каникуллары-балалар өчен иң яраткан, озак көтелгән һәм бәхетле вакыт. Ә көзге каникуллар-уку елында беренче. Балалар бу ял көннәрен зур түземсезлек белән көтәләр. Алар мәктәп дәресләреннән ял итә, үз белемнәрен киңәйтә, яңа танышулар һәм тәэсирләр таба алалар. Укучылар өчен төрле чаралар – Гаилә елы кысаларында «ата-аналар белән бергә» музейларга һәм табигатькә экскурсияләр, интеллектуаль, өстәл уеннары, акцияләр, онлайн-активлык, төрле спорт уеннары, чаралар, түгәрәкләр һәм секцияләр эше тәкъдим ителгән. Алда балаларның тагын бик күп кызыклы һәм әһәмиятле эшләре бар. Каникуллар продуктив һәм бай булырга вәгъдә итә.