Район мәдәният йортында «Россия көче-халык бердәмлегендә»хәйрия концерты булды
1 ноябрь көнне район мәдәният йортында махсус хәрби операция зонасында хәрби бурычлар үтәүче якташларыбызга ярдәм йөзеннән "Россия көче - халык бердәмлегендә" дигән хәйрия концерты булып узды. Халыклар бердәмлеге көне уңаеннан концертта катнашучыларны һәм тамашачыларны Башкарма комитет җитәкчесе Алмаз Мингулов, Аксубай православие храмы настоятеле протоиерей Александр Качаев, район мөхтәсибе ярдәмчесе Равил хәзрәт Камалетдинов котладылар. Алмаз Минвазыхович барлык волонтерларга һәм битараф булмаган шәһәр халкына хәрбиләребезгә көндәлек ярдәмнәре, махсус хәрби операциядә катнашучыларга гуманитар ярдәм күрсәтүгә юнәлдерелгән чараларда һәм хәйрия акцияләрендә актив катнашулары өчен рәхмәт белдерде. «Үзебезнекеләрне ташламыйбыз " - бу сүзләр генә түгел, бу әлеге акциягә кушылган һәркемнең эчке халәте. Бу кичне залга тамашачылар, свода катнашучы сугышчыларның гаиләләре, безнең Җиңүнең тизрәк килүен теләүче битараф булмаган халык җыелды.
Концерт программасының һәр номеры Ватанга мәхәббәт, илебез һәм аны саклаучылар өчен горурлык белән тулы иде. Хәйрия концертында җыелган барлык акчалар махсус хәрби операция зонасындагы якташларына тапшырылачак!