Сайлау хокукы буенча Бөтенроссия олимпиадасы призерлары

  Аксубайның 3 нче урта мәктәбенең 11 һәм 10 нчы сыйныф укучылары Алинә Хәмәтшина һәм Дарина Гыйззәтуллина (укытучылары – Удиярова Т.Г.) Татарстан Республикасында сайлау хокукы һәм процессы буенча Бөтенроссия олимпиадасының төбәк (сайлап алу) этабында призерлар булдылар.  Олимпиадада Татарстан Республикасының 37 муниципаль берәмлегеннән гомуми белем бирү оешмаларыннан 173 укучы катнашты. Олимпиада биремнәрен үтәү барышында катнашучыларга Россия Федерациясенең барлык дәрәҗәдәге дәүләт органнарына кандидатлар сайлауны оештыру һәм уздырудагы закон актлары һәм кагыйдәләре буенча белемнәрен күрсәтү таләп ителде.  Җиңүчеләргә һәм призерларга Татарстан Республикасы Үзәк сайлау комиссиясеннән сувенирлар һәм истәлекле бүләкләр тапшырылды.  Олимпиадада катнашучыларны компетентлы жюри бәяләде, аның составына юридик фәннәр кандидаты, Казан федераль университетының юридик факультеты доценты Курносова Валерия Витальевна җитәкчелегендәге Казан федераль университетының юридик факультетының профессор-укытучылар составы хезмәткәрләре керде. Олимпиадада катнашучылар алдында сәламләү сүзе белән Татарстан Республикасы Үзәк сайлау комиссиясе рәисе урынбасары Нефедов Андрей Александрович һәм жюри рәисе Курносова Валерия Витальевна, жюри әгъзасы, 2022 елгы сайлау хокукы һәм сайлау процессы мәсьәләләре буенча Бөтенроссия укучылар олимпиадасының йомгаклау этабы призеры, «Югары икътисад мәктәбе» милли тикшеренү университеты студенты Шәкүров Рәис Рәфыйк улы чыгыш ясады. Укучыларыбызны һәм аларның остазы, тарих һәм җәмгыять белеме укытучысы Удиярова Татьяна Георгиевнаны лаеклы уңышлары белән котлыйбыз, уңышлары белән горурланабыз һәм алга таба җиңүләр телибез!