Миңа кешеләргә ярдәм итү ошый…

  Бүген Аксубайның 2 нче урта мәктәбендә «Ватанны саклаучылар» фонды социаль координаторы ярдәмендә «Батырлык дәресе»узды. Дәресне 6, 7 һәм 8 сыйныф укучылары өчен сугышчан хәрәкәтләр ветераны, СВО катнашучысы, «Сихерче»кушаматлы хәрби медик үткәрде. Сугышчы Аксубай районының Карасу авылында туып үскән, медицина белеме алган, СВО башлангач, үз теләге белән фронтка киткән. Сугыш башланганнан бирле ул үзенең сугышчан иптәшләренең гомерләрен саклап кала һәм алар өчен чын сакчы фәрештәгә әверелә. Мәктәп укучылары өчен ул беренче ярдәм күрсәтү буенча мастер-класс үткәрде: Эсмархның жгутын, баса торган бәйләвечен куярга һәм төрле кан китүләрне туктатырга өйрәтте. Шулай ук ул хәрбинең аптечкасында сакланырга тиешлеге турында сөйләде. Моннан тыш, “ Сихерче " балаларның бик күп  сорауларына җавап бирде һәм теләгән һәркем белән фотога төште — ә андыйлар тулы бер чират иде. Ул «Батырлык өчен » медале белән бүләкләнгән һәм укучыларның «лСез үзегезне герой дип саныймы? " дигән соравына."Герой итеп санамыйм, бәлки, кыюдырмын.” –дип җавап бирде.