Трофей техникасы күргәзмәсендә булу.

  Казанда Үзәк стадион янында ««Сила V правде – гордость и победа» күчмә күргәзмәсе ачылды, ул махсус хәрби операция барышында юк ителгән һәм кулга алынган НАТО трофей техникасын күрсәтә. Аксубайның 1нче һәм Савгачево мәктәпләре укучыларына 19 ноябрьдә әлеге чарага бару мөмкинлеге бирелде. Алар Украинага НАТО илләре җибәргән танкларны, бронетранспортерларны һәм бронеавтомобильләрне күрә алдылар. Күргәзмә балаларда көчле тәэсирләр калдырды. Оештыручылар билгеләп үткәнчә, күргәзмәнең төп бурычы - Россиянең Сугышчан гамәлләрен күрше дәүләт белән түгел, ә НАТО илләренең бөтен хәрби көче белән алып баруын тагын бер кат искә төшерү, ул Россия коралы көченә һәм безнең сугышчыларның батырлыгына бирешә.