Район Мәдәният йортында « Троицк әйлән-бәйләннәре » республика рус фольклоры бәйрәменә әзерлек кысаларында киңәшмә узды.

  Мәдәният йортында "Троицк әйлән-бәйләннәре "республика рус фольклоры бәйрәме"грант проектын гамәлгә ашыру дәвам итә. Исегезгә төшерәбез, Аксубай район мәдәният йорты республика бәйрәмен үткәрүгә грант конкурсында җиңүче булды. Рус фольклорының " Троицк әйлән-бәйләннәре " бәйрәме беренче мәртәбә Түбән Баланда авылында 1999 елда уздырыла, шуннан бирле бу бәйрәм популярлаша бара. Шулай ук бу бәйрәм Кәкре Күл авылында да киң билгеләп үтелә. 2021 елда Аксубай районында бәйрәм республика дәрәҗәсендә уздырылды инде. Быел бәйрәмнең 25 еллык юбилеен шулай ук Аксубайда уздыру планлаштырыла. Мәдәният хезмәткәрләре бәйрәмгә әзерлек эшләрен башлаган инде. Бүген район мәдәният йортында республика бәйрәменә әзерлек һәм грантны гамәлгә ашыру кысаларында чираттагы эшлекле киңәшмә узды. Киңәшмәдә бурычлар куелды, җаваплылар билгеләнде, фестивальнең Нигезләмәсе әзерләнде. Яңалыкларны күзәтегез! Бәйрәм якты, үзенчәлекле һәм масштаблы булырга вәгъдә итә!