Бүген Иске Кармәттә яшәүче Александра Петровна Трофимовага 100 яшь тулды.

  Трофимовлар гаиләсе өчен бу көн – бик истәлекле көн. Россиянең барлык почмакларыннан шалтыраталар, онык- оныкчыклар, туганнар килә. Александра Петровнаның алты баласы, тугыз оныгы һәм 18 оныкчыгы бар. Иртән Трофимовларга котлау өчен район Башкарма комитеты җитәкчесе Алмаз Мингулов килде.  Хөрмәтле Александра Петровна, сез авыр юл үткәнсез, үз гомерегездә күпне күргәнсез, - диде ул. - Тормышның йөзьеллык чиген үтеп, хәтерен һәм кәефен саклап кала алучылар бик сирәк. Безнең районда андыйлар бер- ике генә. Сезне сәламәтлектә, яхшы кәефтә күрү шатландыра, - диде ул. Котлаулар һәм сәламәтлек, бәхет теләү сүзләрен кабул итегез. Якыннарыгызның шатлыгына озак яшәгез. Алмаз Мингулов РФ Президенты Владимир Путинның юбилей датасы уңаеннан Юлламасын, Татарстан Рәисе Рөстәм Миңнехановның котлавын укыды, чәчәк бәйләме һәм бүләкләр тапшырды. Район Башкарма комитеты җитәкчесе шулай ук Александра Трофимовага Бөек Ватан сугышында Җиңүнең 80 еллыгына багышланган юбилей медален тапшырды. Тантананы туганнары җылы алкышлар белән озата бардылар. Иске Кармәт авыл җирлеге башлыгы Андрей Парфенов, авыл мәдәният йорты, Хәсән Туфан музей-йорты хезмәткәрләре авылның өлкән кешесен йөз яшьлек юбилее белән чын күңелдән котладылар. Аның хөрмәтенә шигырьләр ,  "Катюша" яңгырады. Юбиляр ханым барысына да игътибарлары өчен рәхмәт белдерде һәм үзенең яраткан «Тоткын»шигырен укыды.