Татар әдәбиятыннан республика олимпиадасының йомгаклау этабында җиңүче һәм призерлар
Мингазова Залина Иске Мукша мәктәбе укучысы – Татар әдәбияты олимпиадасында җиңүче!
Республикакүләм татар әдәбияты олимпиадасының йомгаклау этабында Мингазова Залина җиңү яулады! Әлеге зур җиңүе белән аны чын күңелдән котлыйбыз! Бу – аның тырышлыгы, әдәбиятны тирәнтен өйрәнүе, зур талантының нәтиҗәсе.
Шулай ук, Мингазов Ильяр, Иске Мукша мәктәбе укучысы, һәм Гафиятуллина Ландыш, 3нче номерлы Аксубай мәктәбе укучысы, әлеге олимпиадада призлы урыннарны яуладылар. Алар да зур тырышлык күрсәтеп, үз белемнәренә тугры калдылар.
Әлеге укучыларның уңышлары, әлбәттә, аларның укытучылары – Мирзянова Назия Сантбурхановна һәм Билалова Зиля Марсовнаның да өлеше зур. Назия Сантбурхановна һәм Зиля Марсовна укучыларына белем биреп, аларны әдәбият дөньясына гашыйк иттеләр, җиңүгә омтылырга өйрәттеләр. Аларга зур рәхмәтебезне белдерәбез!
Сезгә яңадан-яңа уңышлар телибез! Сез – безнең горурлыгыбыз!