Сезонлы кыр эшләрен кредитлау.

  Россельхозбанк 2025 елда Татарстанда сезонлы кыр эшләренә ярдәм итүгә 1,5 млрд сум акча җибәрде, шулардан 1,3 млрд сумы ташламалы шартларда. Хуҗалык итүнең кече формалары РСХБдан 235 млн сум акча алган, бу узган елның шушы чорына караганда 5 тапкырга диярлек күбрәк.   Тулаем ил буенча 2025 елда банк тарафыннан кыр эшләренә акча бирү динамикасы узган елгы чордан 3,6% ка алда бара. Татарстанда сезонлы эшләрне кредитлау күләме узган елның шул ук чоры белән чагыштырганда 2,6 тапкырга арткан. "Банк Татарстан аграрийларының сезонлы кыр эшләренә җитәрлек акчалары булсын өчен кулдан килгәннең барысын да эшли. Хәтта югары төп ставка шартларында да, башка банклар тарафыннан кредитлау күләме кимү мөмкин булганда да, без чәчүлекләрне вакытында финанслау өчен үз җаваплылыгыбызны аңлыйбыз һәм ташламалы кредитлау күләмен арттырабыз. Фермерларга аерым игътибар бирәбез. Быел Татарстан филиалы кече хуҗалыкларны финанслауны 2024 елның шул ук чоры белән чагыштырганда биш тапкыр арттырды. РСХБ да уңай кредит тарихы булган гамәлдәге заемщиклар өчен экспресс-кредитлау гамәлдә. Карар кабул итү срогы – 1 эш көне. Сумма-10 млн сумга кадәр. Яңа клиентлар буенча банк 3 эш көне дәвамында 20 млн сумга кадәр карар кабул итә. Хәтта яңа заемщиклар өчен дә 20 млн сумнан артык заявкаларны 10 көнгә кадәр карыйбыз. Хәзерге вакытта гамәлдә булган ташламалы кредитлауның төп программасы — бу 1969 (элеккеге 1528/258). Шулай ук РСХБ 1698 программасы кысаларында (Экспортерлар өчен) һәм 1967 программасы кысаларында (инженерлык һәм транспорт инфраструктурасын үстерү, торак биналар, социаль объектлар төзү максатларына һ.б.) ташламалы шартларда акча бирә ала.