Район Башкарма комитеты җитәкчесе коррупциягә каршы көрәш эшен координацияләү буенча комиссия утырышы  үткәрде.

  Аксубай муниципаль районы Башкарма комитеты җитәкчесе рәислегендә район прокуроры вазыйфаларын башкаручы катнашында коррупциягә каршы көрәш эшен координацияләү комиссиясенең чираттагы утырышы уздырылды. Берничә мәсьәлә буенча фикер алыштылар һәм башкару буенча карарлар кабул иттеләр. Коррупциягә каршы көрәш турындагы законнарның үтәлешенә прокурор күзәтчелеген гамәлгә ашыру турындагы мәгълүмат белән район прокуроры вазыйфаларын башкаручы чыгыш ясады. Контроль-хисап палатасы рәисе бюджет акчаларын максатчан куллануга һәм рациональ тотуга тышкы финанс контролен гамәлгә ашыру турында сөйләде. Эчке муниципаль финанс контролен гамәлгә ашыру нәтиҗәләре турында финанс бюджет палатасы рәисе сөйләде. Муниципаль милек белән идарә итү эшенең торышы, җир кишәрлекләрен һәм мөлкәтне сату һәм арендага бирү нәтиҗәлелеге, күчемсез милек объектларын сату буенча аукционнар уздыру турында мөлкәт һәм җир мөнәсәбәтләре палатасы рәисе урынбасары сөйләде. Инфраструктура үсеше буенча җитәкче урынбасары Торак-коммуналь хуҗалык өлкәсендә коррупция куркынычын киметү буенча күрелә торган чаралар турында мәгълүмат бирде, шул исәптән торак фондын капиталь ремонтлау программаларын гамәлгә ашыру барышында да. Башлыкның коррупциягә каршы тору мәсьәләләре буенча ярдәмчесе 2024 ел йомгаклары буенча Татарстан Республикасында дәүләт хакимияте органнарында һәм җирле үзидарә органнарында коррупциягә каршы тору чараларын гамәлгә ашыру турындагы мәгълүмат белән таныштырды. Мәсьәләләрне карау йомгаклары буенча комиссия тиешле карарлар кабул итте һәм билгеле бер үтәү срогы белән конкрет беркетмә йөкләмәләре бирде.