"Россиянең ел укытучысы" конкурсының төбәк этабы нәтиҗәләре.

  2025 елның 21 мартында Казан шәһәре "Әкият "Татар дәүләт академия курчак театры" ДБУ базасында Татарстан Республикасында "Россиянең ел укытучысы" Бөтенроссия конкурсының төбәк этабына йомгак ясау тантанасы узды. Конкурсның бу этабында Аксубай районыннан ике педагог катнашты. Болар-Иске Ибрай урта мәктәбе математика укытучысы Айрат Сабирҗан улы Шәрифуллин һәм "Радуга"балалар бакчасының музыка җитәкчесе Александр Александрович Шуркин. Чара кысаларында район мәгариф бүлеге җитәкчесе Зәйдуллина Р.С. га Татарстан Республикасы Мәгариф һәм фән министры Һадиуллин И. Г. конкурсантларны әзерләгән өчен рәхмәт хаты тапшырды, шулай ук 2025 елда "Россиянең ел тәрбиячесе" Бөтенроссия конкурсының зона этабын оештыру һәм уздыруның югары дәрәҗәдә булуын билгеләп үтте. Барлык катнашучыларны котлыйбыз һәм киләчәктә дә һөнәри эшчәнлекләрендә уңышлар телибез!