Һөнәри юнәлеш бирү кысаларында Аксубай укучылары район Башкарма комитетында булдылар.

  Аксубай 2 нче урта мәктәбенең 10 нчы сыйныф укучылары Зарина Мәрдиева һәм Анна Миронкина муниципаль хезмәт үзенчәлекләре белән танышу максатында Татарстан Республикасы Аксубай муниципаль районы Башкарма комитетында булдылар. Икътисад бүлеге башлыгы Екатерина Аверина бүлекнең эше белән таныштырды,  структурасы һәм төп вәкаләтләре турында сөйләде. Татарстан Республикасы Аксубай муниципаль районы Башкарма комитеты җитәкчесенең икътисад буенча урынбасары Илшат Моратшин хакимият органнары эше турында сөйләде. Тиздән өлкән сыйныф укучыларына булачак һөнәрне сайларга туры киләчәк. Бәлки, бүген алынган тәҗрибә бу сайлау белән билгеләнергә ярдәм итәр. Укучыларга уку елын уңышлы тәмамлауларын телибез!