Аксубай районына эш визиты белән Татарстан Яшьләр эшләре министры Ринат Садыйков килде.

  Очрашу кысаларында Яшьләр экосистемасын тәкъдим итүче районның барлык профессиональ җәмәгатьчелеге яшьләребезнең тормышын һәм ихтыяҗларын аңлауга юнәлдерелгән тикшеренүнең мөһим аспектлары турында фикер алышу өчен җыелды. Чара барышында министр төп бурычларның берсе яшьләр турында беренче авыздан белү булуын ассызыклады. Планда мәктәп укучыларын, техникум укучыларын, эшләүче яшьләрне һәм яшь гаиләләрне кертеп, 600 гә якын бала арасында сораштыру үткәрү бу яшьләрнең нәрсә белән яшәвен, нәрсәгә омтылуларын, алар өчен нәрсәләр кыйммәтле булуын һәм  нинди проблемалар борчыганын ачыкларга ярдәм итәчәк. «Навигатор» республика үзәге белән берлектә без аудит башлап җибәрәбез, ул җирле яшьләрнең карашларын һәм ихтыяҗларын, шулай ук аларның интернеттагы мәнфәгатьләрен тикшерергә мөмкинлек бирәчәк. Моннан тыш, министр яшьләр үзәге бинасында урнашкан МХО волонтерлары белән аралашты һәм безнең районда яшьләр яисә яшүсмерләр үзәге булдыру өчен нигез була алган берничә бинаны карады. Кызганычка каршы, хәзерге вакытта яшьләр өчен аерым мәйданчыклар юк  һәм мондый үзәкне булдыру яшьләр активлыгына ярдәм итүгә, үстерүгә мөһим адым була алыр иде.