Эшкуарлыкка ярдәм итү һәм аны үстерү мәсьәләләре буенча Координация советы утырышы.

  Аксубайда район Башкарма комитеты җитәкчесе Алмаз Мингулов рәислегендә структур бүлекчәләр җитәкчеләре, Татарстан Республикасы Рәисе каршындагы район эшкуарлары хокукларын яклау буенча  җәмәгать вәкиле Марс Гыймадиев, шулай ук җирле эшкуарлар катнашында Координация советы утырышы узды. Утырыш кече һәм урта бизнеска ярдәм итүгә юнәлдерелгән кайбер мөһим инициативалар буенча фикер алышудан башланды. Төп мәсьәләләрнең берсе «Туризм һәм кунакчыллык индустриясе» милли проекты кысаларында, шулай ук программа һәм конкурсларда катнашу юлы белән районда туризм һәм туристлык инфраструктурасын үстерү булды. Туризмны үстерү перспективалары, тармакның бурычлары, булган проблемалар һәм аларны хәл итү юллары турында фикер алыштылар. Быел без районыбызның йөзен үзгәртәчәк җитди башлангычларга һәм проектларга нигез салдык. Киләсе елга  үз алдыбызга әлеге проектларны гамәлгә ашыру бурычын куябыз. Бу яшьләр өчен дә, өлкән яшьтәге кешеләр өчен дә яңа уңайлы ял итү зоналары һәм урыннар булдыруны үз эченә ала. Без шулай ук кызыклы туристик маршрутлар эшләргә , туроператорлар һәм мәдәни учреждениеләр белән багланышларны җайга салырга планлаштырабыз. Шуны да онытмаска кирәк, безнең район  туристларның игътибарын җәлеп итә алырлык уникаль табигый матурлык, һәйкәл һәм музейларга ия. Бүген туризмны үстереп, без киләчәгебезгә инвестицияләр кертәбез, район халкы һәм кунаклары өчен яңа мөмкинлекләр тудырабыз.