"Ел экспортеры" конкурсы.
"Кече , урта эшмәкәрлек һәм шәхси эшмәкәрлек инициативасына ярдәм» милли проектын гамәлгә ашыру кысаларында ел саен үткәрелә торган «Ел экспортеры» (алда – Конкурс) региональ конкурсында катнашуга гаризалар кабул ителә башлады.
Конкурс «Татарстан Республикасы эшмәкәрлекне яклау фонды» коммерцияле булмаган микрокредит компаниясе тарафыннан Министрлык ярдәмендә үткәрелә.
Конкурсның максаты – Татарстан Республикасы кече һәм урта эшкуарлык субъектларының тышкы икътисадый эшчәнлеген үстерүгә ярдәм итү, кече һәм урта эшкуарлык субъектларының-экспортерларның алдынгы тәҗрибәсен тарату мөмкинлеген тәэмин итү.
Конкурста катнашу өчен документлар 07.04.2025 елга кадәр http://exportergoda-rt.ru/ сайтта кабул ителә.
Конкурста катнашуга республиканың кече һәм урта эшмәкәрлек субъектлары-экспортерлар чакырыла.
Конкурста төп номинацияләрдә җиңүчеләр эксклюзив дипломнар, истәлекле призлар, шулай ук индивидуаль стенд форматында Россия Федерациясеннән читтә халыкара күргәзмә-ярминкә чарасында катнашу өчен сертификатлар белән бүләкләнәләр.
Игътибар итәбез! 2024 елгы конкурста җиңүчеләр конкурста катнаша алмыйлар. Конкурсант Предприятие конкурсның бер төп номинациясенә генә гариза бирә ала, өстәмә номинацияләргә берничә гариза бирергә мөмкин.
Төп номинацияләр:
Сәнәгать өлкәсендә иң яхшы экспортер;
Хезмәт күрсәтүләр өлкәсендә иң яхшы экспортер;
АПК (агросәнәгать комплексы)өлкәсендә иң яхшы экспортер;
Югары технологияләр өлкәсендә иң яхшы экспортер;
Ел ачышы;
Иң яхшы хатын-кыз-экспортер;
Иң яхшы яшь эшмәкәр-экспортер.
Өстәмә номинацияләр:
Экспортның иң экзотик иле;
Экспортның иң зур географиясе;
Иң яхшы гаилә экспорт компаниясе;
Яңа экспорт продукты;
Социаль эшкуарлык өлкәсенең иң яхшы экспортеры;
Креатив индустрияләр өлкәсенең иң яхшы экспортеры.
Татарстан Республикасы эшмәкәрләрен - тышкы икътисадый эшчәнлектә катнашучыларны конкурста катнашырга, кече һәм урта эшмәкәрлек арасында экспорт эшчәнлеге лидеры булырга чакырабыз.
Экспортер компания кейсы карары буенча югары уку йортлары студентлары өчен аерым номинация билгеләнде. Әлеге номинация буенча проектлар электрон почта адресына Конкурс турында нигезләмәнең 4 нче кушымтасы нигезендә кабул ителә anotpprt@yandex.ru «экспортер кейсы»тамгасы белән