Аксубай районында урман тармагы хезмәт коллективлары йомгаклау киңәшмәсе узды.

  Киңәшмәдә ТР Урман хуҗалыгы министры Равил Кузюров, Башкарма комитет җитәкчесе Алмаз Мингулов, хезмәтләр җитәкчеләре, җирлек башлыклары, «Аксубай урманчылыгы» ДКУ һәм «Аксубай урман хуҗалыгы»ДБУ хезмәткәрләре катнашты. Чара башланыр алдыннан катнашучылар күргәзмәдә район архив бүлеге тәкъдим иткән  документлар белән таныштылар, бу исә тарихка чумарга һәм узган елларның урман хуҗалыгын үстерүгә керткән өлешенә бәя бирергә мөмкинлек бирде. Учреждениеләрнең 2024 елгы эшенә йомгак ясалды һәм 2025 елгы янгын куркынычы һәм урман культуралары сезонына әзерлек мәсьәләләре җентекләп тикшерелде.  Иң яхшы хезмәткәрләргә намуслы хезмәтләре өчен бүләкләр тапшырылды. Равил Әфраим улы Аксубай урманчылары эшчәнлеген уңай яктан билгеләп үтте, аерым алганда, урман фондында янгыннарга юл куймау һәм планның үтәлеше буенча.  Ул хезмәт коллективларына өзлексез һәм сыйфатлы хезмәтләре өчен рәхмәт белдерде һәм эшчәнлекләрендә яңа уңышлар теләде!