Татарстанлылар күчемсез милек объектларын кадастр исәбенә алу өчен 40% ка ешрак мөрәҗәгать итә башлады.

  Шул ук вакытта электрон рәвештә бирелгән гаризалар саны 80% ка диярлек артты 2025 елның беренче өч аенда Татарстан Росреестрына күчемсез милек объектларын кадастр исәбенә алуга бәйле 22,6 меңнән артык гариза кергән. Узган ел шул ук чорда мондый гаризалар 16,2 мең иде. Шул ук вакытта әлеге хезмәтне электрон рәвештә алу өчен бирелгән гаризалар саны шулай ук 80% ка диярлек арткан: бер ел элек мондый мөрәҗәгатьләр 8 меңнән аз гына күбрәк булса, быел инде - 14,6 мең. Шулай ук беренче өч айда хокукларны теркәүгә 111,7 мең һәм бердәм процедурага (кадастр исәбенә алу һәм хокукларны теркәү) якынча 10,5 мең гариза кергән. 2025 ел башыннан Татарстан Росреестрына күчемсез милекне рәсмиләштерү өчен барлыгы 145 мең гариза кергән (бу 2024 елның шул ук вакыты белән чагыштырырлык).  Шуларның 95 меңгә якыны электрон рәвештә. Бу үткән ел белән чагыштырганда 14% ка күбрәк. Документларны карау нәтиҗәләре буенча күчемсез милек объектларына карата теркәлгән хокукларның, исәпкә алу гамәлләренең гомуми саны 226 меңнән артык тәшкил итте.