Татарстан Республикасы буенча Роспотребнадзор Идарәсе Нурлат территориаль бүлеге талпаннар активлыгы сезоны башлануы турында хәбәр итә.

  Беренче җылы, коры көннәрдән  үк талпаннар кышкы йокыдан уяна  һәм активлаша. Исегезгә төшерәбез:  талпаннар - куркыныч авыруларны  таратучылар! Быел 26 мартта  Казан шәһәрендә яшәүчегә Лаеш районы урманында  талпан кадалуның беренче очрагы теркәлгән. Татарстан Республикасы территориясендә талпаннар талпан боррелиозын(алга таба-ИКБ) һәм талпан вируслы энцефалитын (алга таба-КВЭ) тараталар. 04.04.2025 ел торышы буенча республиканың медицина оешмаларына талпан кадалып 62 кеше мөрәҗәгать иткән, шуларның 26сы балалар. Казанда – 28 , Чаллы, Алабуга районында - 5 , Зеленодольск районында-4 , Чистай, Түбән Кама районнарында -3, Биектау, Зәй районнарында 2шәр, Әлмәт, Бөгелмә, Кама Тамагы, Югары Ослан, Лениногорск, Мамадыш, Яңа Чишмә, Нурлат, Саба, Ютазы районнарында 1әр очрак теркәлгән. Барлыгы кешеләрдән алынган 22 талпан инфекциягә тикшерелгән, ИКБ кузгатучысы 2 талпанда (9%) ачыкланган, тикшерелгән талпаннарда КВЭ кузгаткычы табылмаган. Талпан инфекцияләре белән авыручылар әлегә юк. Табигатькә, бакчага чыкканда гына түгел, шәһәр-парклар, скверларда, ишегалдында да талпаннар һөҗүменә дучар булу ихтималы бар.           Талпан кадалган очракта квалификацияле медицина ярдәме алу өчен район үзәк хастаханәсенә яки яшәү урыны буенча территориаль поликлиникага мөрәҗәгать итәргә кирәк. Медицина учреждениесенә мөрәҗәгать итү мөмкинлеге булмаса, талпанны үзең алырга, кадалган урынны теләсә нинди чара белән (5% иод, 70% спирт һ.б.) дезинфекцияләргә, кулларны сабын белән яхшылап юарга, алынган талпанны герметик ябылучы савытка салырга кирәк. Бик мөһим!       Талпан кадалган кешегә талпанны, түләүле нигездә, “Татарстан Республикасында гигиена һәм эпидемиология үзәге” ФБУЗда (Казан шәһәре, Сеченов ур., 13а) инфекцияләргә тикшерү өчен көн саен 9:00-16:00 (төшке аш вакыты - 12:00-13:00) адресы буенча алып барырг кирәк.       Талпанны транспортлауда куркынычсызлыкны тәэмин итү максатыннан, тыгыз ябылучы капкачлы пластик контейнерны куллану тәкъдим ителә. Тикшеренүләр үткәрү вакыты-3 эш көне.       Талпаннарны лаборатор тикшерүне,тәннән алганнан соң 4 тәүлектән дә соңга калмыйча үткәрү максатка ярашлы. ! Талпанны  тикшергәндә авыруга уңай нәтиҗәләр булган очракта,  инфекцияләрне вакытында профилактикалауны башларга мөмкинлек бирә.      Әгәр КВЭ буенча эндемик территориядә зыян күрүчедән алынган талпанны тикшерү үткәрелмәгән булса, талпаннарга каршы иммуноглобулин белән ашыгыч профилактика үткәрергә кирәк.        Талпанга каршы иммуноглобулинны барлык очракларда да талпан кадалганнан соң 4 тәүлектән дә соңга калмыйча кертәләр. Күзәнәк вируслы энцефалитка каршы иммунитетлаштыру мөһим профилактик фактор булып тора һәм вируслы талпан энцефалиты буенча эндемик территорияләргә чыгучы, шулай ук бу территориягә килгән  түбәндәге эшләрне башкаручыларга уздырыла: авыл хуҗалыгы, гидромелиорация, төзелеш, әзерләү, промысел, геологик, эзләнү, экспедиция, дератизация һәм дезинсекция эшләре; туфрак казу һәм күчерү, урман әзерләү, урманны, халыкның сәламәтләндерү һәм ял итү зоналарын чистарту һәм төзекләндерү эшләре.       КВЭга каршы вакцинация курсын алдан ук үткәрергә кирәк! Ул 2 прививкадан тора-беренчесен октябрьдә,икенчесен-5-7 айдан ясарга тәкъдим ителә. Прививкалар арасындагы минималь интервал 1-2 ай. Вакцинация инфекциянең табигый учагына китәргә ике атна кала тәмамланырга тиеш, ревакцинация бер елдан соң үткәрелә. Роспотребнадзорның Татарстан Республикасы (Татарстан) буенча идарәсе Нурлат территориаль бүлеге ял итү урыннарында һәм урман массивларында булганда талпаннарга каршы индивидуаль яклау чараларын үтәү кирәклеге турында искә төшерә:  тәнгә тыгыз торучы ачык төстәге бер төсле кием кию, башлык, беләзек янында резинка белән беркетелә торган озын җиңле кием кию: - талпаннардан саклану  чаралары – акарицид репеллентлар . Препаратларны кулланыр алдыннан күрсәтмәләр белән танышырга ; - чирәмгә утырырга яки ятарга, өзелгән чәчәкләрне биналарга алып керергә ярамый.;  - һәр 2 сәгать саен үзеңне һәм үзара тикшерү үткәрергә (киемнәрне, тәнне һәм чәчләрне талпаннар булу-булмавына карарга) киңәш ителә.; - үләнсез участокларда яисә комлы туфрактагы коры нарат урманнарында машина кую урыннары ясау.      Талпан инфекцияләре буенча вәзгыять Роспотребнадзорның Татарстан Республикасы буенча идарәсе күзәтүендә тора.