Роспотребнадзор Идарәсенең Нурлат территориаль бүлеге тәкъдим итә:

  Гражданнарга киңәшләр: норовирус инфекциясен профилактикалау Роспотребнадзор норовирус этиологиясендәге эчәк инфекцияләре ачык симптоматика (косу, эч китү, тән температурасы күтәрелү) белән чагыла һәм тиз агыш белән характерлана, дип искәртә. Вирусны кузгатучының төп үзлеге – аның югары йогышлылыгы . Сәламәт олы кешенең ашказаны-эчәк трактына эләккәндә авыру китереп чыгару өчен 10 дан азрак вирус кисәкчәсе җитә. Вируслар төрле өслекләрдә озак вакыт йогышлы үзлекләрен саклый алалар. Авыру кузгаткычны тапшыруның төп механизмы - фекаль-ораль, ул контакт-көнкүреш, азык-төлек һәм су юллары аша тормышка ашырыла. Вирус этиологиясендәге кискен эчәк инфекцияләре еш кына пычрак савыт-саба, яшелчәләрне эшкәртүне бозып әзерләнгән яшелчә салатлары, әзер продукцияне (сыр, май һ.б.) турау, «кулдан» әзерләү белән бәйле һәм кабат термик эшкәртүгә дучар ителми торган ризыклар (мәсәлән, яшелчә боламыгы) аша йога. Норовирус инфекциясе барлыкка килүнең сәбәпләре булып: - яшелчә һәм җиләк-җимеш эшкәртү, савыт-саба юу кагыйдәләрен бозу, ашамлыклар әзерләү технологиясен, пешекчеләр һәм кондитерларның шәхси гигиена таләпләрен үтәмәү. -кеше организмына контаминацияләнгән (вирус белән пычранган) су (кран суы, азык боз, ябык һәм ачык сулыклар суы) эләгү. Ачык сулыкларның суларын пычрату чыганагы булып агынты сулар тора, алар авария, су басулар, мул явым-төшемнәр аркасында эләгергэ мөмкин. Начар юылган җиләк-җимеш һәм яшелчәләр өслегендә йогышлы авырулар, шул исәптән вируслы инфекцияләр китереп чыгаручылар калырга мөмкин. Роспотребнадзор сәламәтлекне саклап калырга мөмкинлек бирә торган гади кагыйдәләрне үтәргә киңәш итә: - Әгәр Сез җәмәгать туклануы оешмалары хезмәтләреннән (ашханә, кафе, ресторан) файдаланасыз икән, тикшерелгән учреждениеләрне сайларга тырышыгыз, анда аш бүлмәсе оештырылган һәм кайнар ризыклар куелган кухня бар. Шул ук вакытта җәйге чорда күп компонентлы салатлар һәм «кулдан» әзерләнә ала торган, әмма кабат термик эшкәртүгә дучар ителми торган ризыклар (яшелчә боламыгы, эчлекле коймак һ.б.) кулланмаска тырышыгыз.  Ашар алдыннан һәрвакыт кулларыгызны юыгыз. · «Йөргәндә»куллану өчен күп компонентлы тиз ризык (шаурма тибындагы) кулланмаска тырышыгыз. · Шешәләргә салынган яки кайнатылган су гына кулланыгыз. · Ризыкны өй шартларында әзерләгәндә, кайбер кагыйдәләрне үтәгез: ризык әзерли башлаганчы һәм чи продукция белән контакттан соң кулларыгызны юыгыз, «чи» һәм «әзер» өчен аерым эшкәртү такталары һәм пычаклар кулланыгыз, яшелчәләрне һәм җиләк – җимешләрне кайнар су белән яхшылап юыгыз, савыт-сабаны яхшылап юыгыз һәм киптерегез. · Өйдә даими рәвештә санитария узелларын дезинфекцияләү чаралары кулланып чистартыгыз, бүлмәләрне дымлы җыештырыгыз. · Әгәр дә Сез үзегезне сәламәт түгел дип хис итәсез икән (бигрәк тә э китү, күңел болгану, эч авырту булганда) якыннарыгызны авыру куркынычы астына куймагыз. Мондый очракта  гаилә һәм кунаклар өчен ризык әзерләү һәм үз-үзегезне дәвалау белән шөгыльләнмәгез, аерым сөлгедән файдаланыгыз, бәдрәфкә кергән саен санитария төенен дезинфекцияләгез. Онытмагыз, бары тик табиб кына адекват дәвалау билгели ала. Авыру билгеләре барлыкка килсә, кичекмәстән медицина ярдәме сорап мөрәҗәгать итегез.