Травматолог көне уңаеннан «Мечта» приютында «Ашыгыч ярдәм" танып белү уены  узды.

  Бөтендөнья табиб-травматолог көне алдыннан, 20 майда, Аксубай районы «Мечта» балалар һәм яшүсмерләр  социаль приютында «Ашыгыч ярдәм»танып-белү уен-конкурсы узды. Уен тәрбияләнүчеләрнең беренче ярдәм күрсәтү буенча белемнәрен ныгытуга һәм киңәйтүгә юнәлдерелгән иде. Балалар «теоретик имтихан» этабында беренче ярдәм күрсәтү аптечкасының эчтәлеген белүләрен күрсәттеләр. «Парны тап» этабында даруханәдәге дәвалау чарасының исемен аны куллану тасвирламасы белән чагыштырдылар. «Ашыгыч ярдәм " этабында-авыруның хәлен тасвирлау буенча диагноз куеп ярдәм күрсәттеләр. «Тылсымлы дәвалау үләннәре» станциясендә кроссворд чиштеләр. Катнашучылар үз белемнәрендә ярышып кына калмадылар, тормышта кирәк булырлык яңаларын да белделәр.