Татарстан Росреестры СНТны газификацияләү программасында ничек катнашырга кирәклеген аңлатты.

  Татарстан Росреестры экспертлары гражданнардан килгән сорауларга җавап бирүләрен дәвам итәләр. Бүген СНТны газификацияләү программасында ничек катнашырга икәнен аңлатырбыз. Татарстан Росреестрының 1 нче номерлы күчемсез милеккә хокукларны дәүләт кадастр исәбенә алу һәм дәүләт теркәвенә алу бүлеге башлыгы Алсу Сафина җавап бирә.  -Минем бакчачылык ширкәтендә торак йортым бар. Беләм, хәзер Татарстанда дәүләт программасы буенча бакча җирләре чикләренә кадәр газны бушлай үткәрәләр. Әлеге программада ничек катнашырга? - газификация буенча дәүләт программасына тоташтыру шартлары, аның кысаларында торак йортлар урнашкан бакча җир кишәрлекләре чикләренә кадәр түләүсез газ уздырыла: - Бакчачылык ширкәте торак пункт чикләрендә булырга тиеш. - Торак пункт газлаштырылган булырга тиеш яисә газлаштыру программасы агымдагы елда газ челтәрләрен СНТ чикләренә кадәр төзүне күздә тота. СНТ газификациясе план-графиклары субъектларның хакимият органнары тарафыннан раслана. - Торак йортка хокуклар теркәлгән булырга тиеш. Әгәр милек хокукы теркәлмәгән булса, Росреестрга мөрәҗәгать итү өчен түбәндәге документларны әзерләргә кирәк; - Дәүләт кадастр исәбенә алу һәм хокукларны дәүләт теркәвенә алу турында гариза.  -Техник план. - Җир кишәрлегенә хокук билгеләүче документ. Әгәр участокта «торак булмаган» билгеләнештәге бакча йорты урнашкан икән, аны «торак»га күчерергә кирәк. Бу объектның даими яшәү һәм прописка рәсмиләштерү өчен яраклы булуын раслау өчен кирәк. Йорт барлык төзелеш нормаларына туры килергә һәм ел әйләнәсе яшәү өчен яраклы булырга тиеш. Йортның барлык кирәкле таләпләргә туры килүе турында ахыргы карарны СНТ урнашкан урын буенча Башкарма комитет кабул итә. Әгәр Башкарма комитет уңай карар кабул итсә, ул документларны мөстәкыйль рәвештә Росреестрга тапшыра, ул, үз чиратында, йортның билгеләнешен үзгәртә дә.