2026елның 24 маена ашыгыч кисәтү

  Хөрмәтле гражданнар!                                                                     «Татарстан Республикасы Гидрометеорология һәм әйләнә-тирә мохитне мониторинглау идарәсе» ФДБУдан  2026 елның  24 мае  06.00 сәгатьтән     18.00 сәгатькә кадәр вакытка метеорологик күренешләр интенсивлыгы турында консультация-кисәтү. 24 майда көндез Татарстан Республикасы территориясендә урыны белән яшенле яңгыр һәм 15-20 м/с тизлектәге көньяк-көнбатыш, көнбатыштан көчле җил көтелә . Россия гадәттән тыш хәлләр министрлыгының Татарстан Республикасы буен ча Баш идарәсе тәкъдим итә: Җил көчәйгәндә: 1.   Биналардан чыкмаска киңәш итәбез. Балаларны караучысыз калдырмау мөһим. 2.     Әгәр көчле җил сез урамда вакытта чыкса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу  җәмәгать транспорты тукталышларына, төзелеп бетмәгән биналарга да кагыла.  3. Урамда реклама щитларыннан, элмә такталар, юл билгеләреннән, электр линияләреннән ераграк торырга кирәк  4. Зур агачлар янында булырга ярамый, шулай ук алар янында автотранспорт куярга ярамый – җил сындырган ботаклар зур куркыныч тудырырга мөмкин. 5. Көчле җил вакытында электр  линиясе астында тору һәм өзелгән электр үткәргечләренә якын килү куркыныч. 6. Югары катларның тәрәзәләреннән төшкән ватылган пыялалар, шулай ук җил өзеп алган түбә һәм лепка декоры элементлары куркыныч тудырырга мөмкин. Мондый куркыныч төзелә  яки ремонтлана торган биналар янында арта.  7. Йортның барлык тәрәзәләрен тыгыз итеп ябарга, балконнардан һәм лоджияләрдән тышка төшәргә мөмкин булган предметларны алырга кирәк. 8. Торак яки эш бүлмәсендәге тәрәзәләрдән мөмкин кадәр ераграк торырга кирәк. Җәяүлеләргә урамны билгеләнгән җәяүлеләр кичүе урынында гына кисеп чыгарга киңәш ителә. Хәрәкәт итүче транспорт алдыннан трассаны кичмәскә, чөнки юлның тайгак өслеге аркасында автомобильнең тормоз юлы сизелерлек арта. Транспорт агымына каршы гына хәрәкәт итәргә. Югары күрүчәнлектәге жилет кулланырга яки киемгә яктылыкны кире кайтара торган элементлар беркетергә. Машина йөртүчеләргә: 1. Әлеге шартларда автомобильдә хәрәкәт иткәндә артык үзгәртеп корулардан, узып китүләрдән баш тартырга; 2. Автомобильнең техник торышына, бигрәк тә тормоз системасына, шиннарның торышына игътибар итәргә; 3. Кинәт тукталдан тыелырга, туктарга кирәк булганда тизлекне салмак кына киметергә кирәк; 4. Тормоз педаленә берничә тапкыр басарга кирәк, шуның белән сезнең арттан хәрәкәт итүче автомобиль йөртүчеләрне кисәтә торган сигнал бирергә кирәк.; 5. Бөтен оптика эш халәтендә булырга тиеш; 6. Хәрәкәт күп булган урыннарда, мәктәпләр янында, чат һәм күперләрдә, шулай ук борылышларда һәм төшүләрдә куркынычсызлык тәэмин итә торган тизлек белән хәрәкәт итәргә. Җәяүлеләргә киңәш ителә: 1. Урамнар һәм юллар аша чыкканда бик игътибарлы булу; 2. Урамны билгеләнгән җәяүлеләр кичүе урынында гына кисеп чыгарга, күз күреме җитәрлек булмау һәм юл өслеге тайгак булу аркасында машина йөртүчегә транспорт чарасын туктату өчен күбрәк вакыт кирәклеген истә тотарга; 3. Машина йөрү өлешен кичү өчен, мөмкин булганча, җир өсте яки җир асты җәяүлеләр кичүләреннән генә файдаланырга; 4. Хәрәкәт итүче транспорт алдыннан трассаны кичмәскә; 5. Транспорт агымына каршы гына хәрәкәт итәргә; 6. Югары күрүчәнлектәге жилет кулланырга яки киемгә яктылыкны кире кайтара торган элементлар беркетергә. Боз яуганда: Әгәр дә сез автомобильдә булсагыз, тәрәзләрдән ераграк булырга тырышыгыз, аларга аркагыз белән борылырга (салон үзәгенә йөз белән) һәм күзләрегезне кулларыгыз яки киемнәрегез белән капларга кирәк. Әгәр сезнең белән кечкенә балалар булса, аларны үз тәнегез белән капларга һәм шулай ук күзләрне йә кием, йә кул белән капларга кирәк. Иң яхшысы идәнгә яту (әгәр салон габаритлары рөхсәт итсә). Әгәр сез автомобильдә хәрәкәт итәсез икән, хәрәкәтне туктатыгыз. Ләкин алдан карагыз (күз күреме мөмкинлек бирсә), якында гына ышык урыннар (күперләр, эстакадалар, гаражлар, ябык стоянкалар) юкмы. Якын-тирәдә ышык урын булмаса, машина юлы уртасында булмавыгызга инаныгыз һәм, мөмкин булса, юл кырыена чыгыгыз. Ләкин юл читенә (бигрәк тә түбәнлеккә) чыгу куркыныч булуын исәпкә алырга кирәк, чөнки ул көчле явым-төшемнәр һәм су басу ихтималы булганда юылырга мөмкин. Шулай ук боз җыелган урыннарга да кермәгез, чөнки сезнең автомобиль идарә итүчәнлеген югалтырга мөмкин. Бернинди очракта да боз вакытында автомобильдән чыкмагыз! Шуны истә тотыгыз: боз явуның уртача озынлыгы якынча 6 минут тәшкил итә, һәм бик сирәк ул 15 минуттан да озаграк дәвам итә. Әгәр боз сез бинада вакытта яуса, тәрәзәләрдән мөмкин кадәр ераграк йөрегез һәм өйдән чыкмагыз. Электр приборларыннан файдаланмагыз, чөнки боз гадәттә яшен белән бергә була. Әгәр боз сез урамда чакта яуса, ышык урын сайларга тырышыгыз. Югыйсә, башыгызны боз тишүе ихтимал . Санаулы минутларда су белән тулып, кискен агымга әверелергә мөмкин булган иңкүлекләргә, яисә боз катламы әйләнә-тирәдәгегә караганда калынрак булган урыннарга кермәгез. Агачлар астында ышык урын табарга тырышмагыз, чөнки аларга яшен эләгү куркынычы гына түгел, ә эре боз бөртекләренең агач ботакларын сындыру куркынычы да зур, бу сезгә өстәмә зыян китерергә мөмкин. Теләсә нинди бәла – каза очрагында сез һәрвакыт ашыгыч хезмәтләрне чакыруның бердәм номерына - «112»гә мөрәҗәгать итә аласыз. Шалтыратулар тәүлек буе шәһәр һәм кәрәзле телефоннардан бушлай кабул ителә.