«Мечта» приютында тәрбияләнүчеләр өчен Корбан бәйрәме

  Аксубай районы «Мечта» балалар һәм яшүсмерләр социаль приютында Корбан бәйрәменә багышланган бәйрәм чарасы узды. Балалар бәйрәмнең тарихы һәм традицияләре белән танышты, шәфкатьлелекнең, якыннарга ярдәм итүнең әһәмияте һәм бердәмлекнең мөһимлеге турында белделәр. Балалар өчен халык уеннары һәм күңелле эстафеталар: аркан тартышу, капчык киеп йөгерү, кашыкларда йомырка салып йөгерү, шулай ук «бәйрәм этикеты» конкурсы оештырылды, анда балалар кунакларны кабул итәргә һәм традицион котлаулар әйтергә өйрәнделәр. Интерактив викторина аеруча кызыксыну уятты, анда балалар Корбан бәйрәме турындагы сорауларга   һәм татар табышмакларына җаваплар бирделәр. Бәйрәм азагында барлык катнашучылар милли ризыклар белән чәй эчәргә җыелдылар, татлы призлар алдылар, ә оештыручылар һәр йортка тынычлык, исәнлек һәм иминлек теләделәр. Чара җылы, дустанә атмосферада узды һәм игелеклелек, традицияләргә хөрмәт күрсәтүнең чын дәресенә әверелде.