Роспотребнадзор кисәтә

  Роспотребнадзорның Нурлат территориаль бүлеге май кояшы белән бәйле берничә куркыныч турында кисәтә: Ультрафиолет нурланышның тирегә тәэсире. Кояшның артык нурланышы тире пешүенә, дерматитларга, тиренең вакытыннан алда картаюына һәм яман шешләр, шул исәптән меланома үсеше куркынычына китерергә мөмкин. Бигрәк тә кыштан соң озак вакытлар көчле кояш белән контактта булмаган тире өчен куркыныч. Иммун системасының көчсезләнү куркынычы. Май аенда кояшның артык булуы иммунитетны какшатырга мөмкин, организмны вирусларга сизгеррәк итә, бу респиратор авырулар ихтималын арттыра. Баш авырту, кан басымы күтәрелү, ашкайнату бозылу һәм йокысызлык. Май аенда урафиолет нурларының кинәт йогынтысы бу симптомнарны китереп чыгарырга мөмкин. Май кояшының тискәре йогынтысыннан саклау буенча Роспотребнадзор тәкъдимнәре:   Кояшта булуны максималь активлык сәгатьләрендә чикләргә (гадәттә 10:00 дән 16:00 гә кадәр). Озын җиңле ябык кием, баш киемнәре һәм кояштан саклаучы күзлек кулланырга. SPF 30 һәм югарырак булган кояштан саклау кремын кулланырга. Чараны урамга чыгарга ярты сәгать кала кулланырга кирәк, ә аннары кабат — һәр ике сәгать саен. Эчү режимын үтәү-организмны гидратацияләүне тәэмин итү өчен җитәрлек күләмдә су куллану. Кояш тәэсирен көчәйтә торган продуктлардан (мәсәлән, кузгалак яки инҗир) тыелырга. Кояшка акрынлап күнегергә: кояшта беренче торуны кыска вакытлы булырга тиеш (10 минуттан артмаска ), вакытны акрынлап көн саен 2-5 минутка арттырырга кирәк. Куркынычларны киметү өчен өстәмә чаралар: Гигиена кагыйдәләрен үтәргә (кулларны сабын белән юарга, кулларны юарга мөмкинлек булмаганда антисептиклар кулланырга, күзләргә, борынга һәм авызга юылмаган куллар белән кагылмаска). Респиратор гигиена кагыйдәләрен үтәргә (йөткерергә һәм тастымалга төчкерергә яисә терсәгеңне бөкләргә). Авыру вакытында инфекция йоктыру һәм катлауланулар үсеше куркынычын киметү өчен өйдә калырга. Сәламәт яшәү рәвеше алып барырга: йокы туйганчы йокларга, физик яктан актив булырга, даими тукланырга, көн режимын үтәргә.