Җәйге чорда грипп һәм ОРВИ

  Кискен респиратор вируслы инфекцияләр (ОРВИ) һәм грипп бары тик кышкы авырулар дип санала. Әмма йоктыру куркынычы ел әйләнәсе бар, җәй айларын да кертеп. Җылы һава торышы еш кына уяулыгыбызны киметә, бу өстәмә куркыныч тудыра. Җәй көне авыру сәбәпләре. Аларга кондиционерлар һәм үтәли җил куллану (эсседән салкынча бинага кискен күчү җирле иммунитетны көчсезләндерә), кешеләрнең күпләп җыелуы (фестивальләр, сәяхәтләр, транспортта йөрүләр), елның җылы вакытында симптомнарга сагаюның кимүе, кыштан соң көчсезләнгән иммунитет керә. Җәй көне грипп куркынычы. Гәрчә ул кышкыга караганда сирәгрәк очраса да, эсселек фонында симптомнар (югары температура, сусызлану, хәлсезлек) начаррак кичерелүе аркасында авыррак үтәргә мөмкин. Шулай ук бронхит, пневмония, синусит, отит, хроник авырулар, миокардит, неврит, бактериаль инфекцияләр кискенләшү куркынычы арта. Җәй көне симптомнар булганда нишләргә. ОРВИ яки гриппның беренче симптомнары булганда өйдә калырга, ял итәргә, күп су эчәргә һәм элемтәләрне чикләргә кирәк. Әгәр температура 3 көннән артык торса яки сулыш алу кыенлашса, күкрәк авыртса, тәнгә вак бетчәләр чыкса, хәлсезлек килеп чыкса, табибка мөрәҗәгать итәргә кирәк. Үз-үзеңне дәвалау ярамый-вируслы инфекция вакытында антибиотиклар нәтиҗәле түгел. Профилактика чаралары: -һава торышы буенча киенергә, хәтта эсседә дә салкыннан сакланырга; -кондиционерлардан артык файдаланмаска — бинада температура урамныкыннан 5-7 градустан да түбән булырга тиеш түгел; -биналарны җилләтергә; -дөрес туклану, җитәрлек йокы һәм физик активлык  аша иммунитетка ярдәм итү; -авыруның беренче билгеләре булганда кешеләр күпләп җыела торган урыннардан качарга; -вирусларның актив циркуляциясе булган төбәкләргә бару алдыннан вакцинация үтәргә. Уяулыкның кимүе: җәйге чорда кешеләр еш кына гигиенаның төп кагыйдәләрен оныта: -кулларны җитәрлек дәрәҗәдә җентекләп юмау яки сирәк юу. -респиратор этикетны үтәмәү (йөткерү һәм төчкерү салфеткага яки терсәк бөкләвенә түгел). -авыру симптомнары булганда җәмәгать урыннарына бару. Нәтиҗә Җәй-респиратор инфекцияләрне онытырга вакыт түгел. Грипп актив булмаса да, куркыныч тудыра, ә төрле ОРВИлар әйләнешен дәвам итә.Төп саклану -  профилактика. – Җ Җәйнең актив һәм авыруларсыз узуына ачкыч: гигиена тоту, кондиционерларны дөрес куллану, сәламәт яшәү рәвешен саклап калу һәм, иң мөһиме, көзге гриппка каршы вакцинация . Роспотребнадзор идарәсенең Нурлат бүлеге